Les mots surlignés font l'objet d'une note
1Monsieur, javois escrit à sa majesté que par ung courrier expédié d’Espagne le
2XVIIIme du passé, le roy catholique avoit mandé au seigneur Dom Jehan d’Austriche quil
3se partist de Messine pour s’aller joindre à larmée de la Ligue. Toutesfoys,
4estant à present adverty quil ne faict seullement pas semblant de partir, soit quil
5ait commandement du contraire ou pour quelque desseing, dont la Seigneurie de Venize
6a expedié ung gentilhomme pour sen aller plaindre à sa majesté catholique, je fais
7la presente depesche pour en advertir sadite majesté, mayant semblé que le plus tost
8ne soit que le meilleur pour beaucoup de considerations ; et pource je
9vous prieray, monsieur, de commander sil vous plaist, que mon pacquet
10soit couru en toutte extreme diligence. Je vous advisay hier de larrivée
11icy des deniers pour le payement des compagnies de monsieur des Adretz, dont
12je masseure quaurez receu ma lettre et pour cela, nayant pour ceste heure,
13autre chose à vous dire, je feray fin par mes affectionnées recommandations
14à votre bonne grâce, priant Dieu qu’il vous doint
15Monsieur, en santé, bonne et longue vie. De Saluces,
16le XVIIme juillet 1572.
17Votre plus affectionné à vous faire service
18Lodovico Birago